Էնդի Գիբսը Բուժքույրերի և բուժակների եվրոպական ցանցի փոխնախագահն է, ակտիվորեն մասնակցում է բուժքույրերի ու բուժակների եվրոպական մոդուլի և Եվրոպական միջմասնագիտական կրթական ցանցի աշխատանքներին: Նա իրականացրել է միջազգային բուժքույրական ծրագրեր Հունգարիայում, Լիտվայում և Չեխիայում: Էնդի Գիբսը աշխատում է Լեհաստանի և Ռումինիայի բուժքույրական ասոցիացիաների հետ: Եղել է Բուժքույրերի եվրոպական ֆեդերացիայի Բոլոնիայի գործընթացի խորհրդատու: 2004 թվականից մինչ այժմ Էնդի Գիբսը կազմակերպել է 3 ցանցային հավաքներ Էդինբուրգում: Վերոհիշյալ գործունեությունը ծավալելիս նա 2005 թվականից մինչ այժմ այցելել է շուրջ 20 երկիր, որտեղ մասնակցել է կոնֆերանսների և այլ միջոցառումների` նպաստելով Եվրոպական չափայնության խթանմանը բարձրագույն կրթության ոլորտում:

Հիմնական գործունեությունը: 2008-09թթ. Բոլոնիայի գործընթացի փորձագետ Միացյալ Թագավորությունում; 2006թ.-ից Նեփիերի համալսարանի բուժքույրական գործի, մանկաբարձության և սոցիալական խնամքի ֆակուլտետի միջազգային կապերի բաժնի պետ (Նեփիերի համալսարան, Էդինբուրգ); 1995-1996թթ. Լոթիանի քոլեջի առողջապահության ամբիոնի վարիչ; 1992-1995թթ. Ֆորեսթերհիլ քոլեջի հոգեբուժության դասախոս, Աբերդին

Բոլոնիայի գործընթացի հետ կապված գործունեությունը: 2009թ. «Եվրոպական չափայնության խթանումը Դանդիում ուսուցման և կրթության ասպարեզում» թեմայով սեմինարի կազմկոմիտեի անդամ և սեմինարի ղեկավար; 2008թ. Ներկայացրել է «Ելքային կրթական արդյունքները Եվրոպական բուժքույրական ծրագրերի համեմատության օրինակով» աշխատաժողովը Շոտլանդիայում կազմակերպված Բոլոնիայի գործընթացի սեմինարի ընթացքում (սեմինարի թեման էր «Ելքային կրթական արդյունքների վրա հենված բարձրագույն կրթություն, շոտլանդական փորձառությունը», Էդինբուրգ, Շոտլանդիա):; 2006-07թթ. Շահել է ԵԽ-ի կողմից ֆինանսավորվող դրամաշնորհային ծրագիր (INSET), որն ընդգրկում էր 11 եվրոպական հաստատություններ ու եվրոպացի 60 դասախոսներ և ուսանողներ (INSET – Հասարակական և կրթական տրանսֆորմացիայի վերաբերյալ գիտելիքների ինտեգրում):; 2006թ. Ղեկավարել է առաջարկը, հաղթել մրցույթը և կազմակերպել եռաստիճան համակարգին նվիրված Բոլոնիայի գործընթացին աջակցողների սեմինար Էդինբուրգի Նեփիեր համալսարանում: