|
Արմեն Բուդաղյան
Երևանի պետական համալսարանի պրոռեկտորի տեղակալ |
2006, 2008 և 2009թթ. դասավանդել է ԱԶԳԿ կենտրոնի կազմակերպած դասընթացներում:
Արմեն Բուդաղյանը բարձրագույն կրթություն ստացել է Երևանի պոլիտեխնիկական ինստիտուտի մեխանիկայի ֆակուլտետում: Ասպիրանտական կրթություն ստացել է Մոսկվայի Ավտոմոբիլային ճանապարհային ինստիտուտում: 1990թ.-ից տեխնիկական գիտությունների թեկնածու է: 1995թ.-ից ՀՊՃՀ տրանսպորտային համակարգերի ֆակուլտետի դոցենտ է:
Հիմնական գործունեությունը
- 1991 - 1993թթ. ՀՊՃՀ տրանսպորտային համակարգերի ֆակուլտետի դեկանի տեղակալ
- 1993 - 2005թթ. ՀՊՃՀ Ասպիրանտական դպրոցի տնօրենի տեղակալ
- 2005 - 2008թթ. ՀՊՃՀ Մագիստրատուրայի և ասպիրանտուրայի գծով պրոռեկտորի տեղակալ
- 2008թ.-ից ԵՊՀ համալսարանական կրթության զարգացման և բարեփոխումների գծով պրոռեկտորի տեղակալ
- 2001թ. (փետրվար – մայիս) Միչիգանի համալսարանի Բարձրագույն կրթության հետազոտական կենտրոնում անցել է որակավորման բարձրացման ծրագիր
- 2001թ. (մայիս - հունիս) Պիտսբուրգի համալսարանի բարձրագույն կրթության կառավարման ինստիտուտում մասնակցել է կառավարման պրակտիկումի
- 2001թ.-ին Միչիգանի և Պիտսբուրգի համալսարաններում կատարել է հետազոտական աշխատանք` «Բարձրագույն կրթության վարչարարությունը և համալսարանական կառավարումը շուկայական տնտեսության պայմաններում» թեմայով
- 2004թ.-ին Համաշխարհային բանկի կողմից ֆինանսավորվող «Բարձրագույն և միջին մասնագիտական կրթությունը և ինովացիոն համակարգերը Եվրոպայում և Կենտրոնական Ասիայում» զարգացման նախագծում ծառայել է որպես ազգային խորհրդատու/հետազոտող: