Ինտելեկտուալ տուրիզմը ուսուցման և ճանապարհորդության համադրություն է մեկ ծրագրում: Մոտեցման հիմքում ընկած է թանգարանների և տեսարժան վայրերի ոգեշնչող տարածքների օգտագործումը մասնագիտական դասընթացներ անցկացնելու համար: Ավելին, տուրիզմն ապահովում է ծրագրի զվարճալի և ճանաչողական բաղկացուցիչն ու նպաստում է դասընթացների գերարդյունավետ ընկալմանը:

Ծրագիրը նպատակաուղղված է զարգացնելու ոչ ֆորմալ կրթությունը` համատեղելով զբոսաշրջությունը և կրթությունը:

Ծրագրի մասնակիցները կհանգրվանեն հարմարավետ հանգստյան տներում, կրթության ժամանակակից մեթոդների կիրառմամբ կծանոթանան Հայաստանի պատմամշակութային հուշարձաններին և կճանապարհորդեն դեպի մեր երկրի գեղատեսիլ անկյունները` զուգահեռ ստանալով պիտանի դասընթացներ և վերապատրաստում: