դոնոր - Գերմանիայի ժողովրդական բարձրագույն դպրոցների միության միջազգային համագործակցության ինստիտուտ (IIZ DVV)
իրականացվել է - 2003թ., հոկտեմբերի 27 - 2004թ., մարտի 27
Ծրագրի նպատակը - փոքր բիզնեսի դասընթացների միջոցով օպտիմալացման արդյունքում կրճատված ուսուցիչների և գործազրկության եզրին կանգնած համայնքի այլ անդամների վերաորակավորմամբ նպաստել աղքատացման նվազեցմանը:
Դասընթացի մանկավարժահոգեբանական հատվածը մշակվել և իրականացվել է «Ազգային զարգացման գիտակրթական կենտրոնի» կողմից: Այն բաղկացած էր 2 մասից՝ «Ուսուցիչը և ժամանակը» և «Դրված նպատակին հասնելու հոգեբանությունը»:
Դասընթացի բիզնեսին նվիրված «Ինչպես սկսել սեխական գործը» հատվածի մշակումը և անցկացումը իրականացվել է «Ապրիկոտ Պլյուս» ուսւոմնական և խորհրդատվական ընկերության կողմից: Ծրագրի ընթացքում կենտրոնը համագործակցել է Սիսիանի ուսուցիչների միության հետ: Ծրագրի իրականացմանը աջակցել են ՀՀ ԿԳ նախարարությունը՝ ի դեմս «Կրթական ծրագրերի կենտրոն» ԾԻԳ-ի, Սիսիանի Փոքր և միջին ձեռնարկատիրության աջակցման կենտրոնը, «Կամուջ» և «Արեգակ» վարկատու կազմակերպությունները, IREX, World Vision, Peace Corps միջազգային կազմակերպությունները:
Դասընթացի արդյունավետությունը գնահատվել է ունկնդիրների կողմից լրացված գնահատման թերթիկներով:
Արդյունքում ծրագրի յուրաքանչյուր մասնակից մոտավոր պատկերացում կազմեց իր նախընտրած բիզնեսի, նրա կազմակերպման, ֆինանսների հայթայթման և այլնի մասին:
Մասնակիցները նշում էին, որ իրենց հոգեբանորեն պատրաստ են զգում մտնել բիզնեսի ոլորտ, ավելի սթափ են գնահատում ստեղծված իրավիճակը, անցել է ներքին հակասությունը, փոխվել են հին մտածողությունն ու հոգեբանությունը: Մասնակիցները նշում են նաև թեմաների ընտրության ճշտությունը և ծրագրի կազմակերպիչների հետ հանդիպումների շարունակականության անհրաժեշտությունը:
Դասընթացի ավարտից հետո մասնակիցները հաճախել են համակարգչային դասընթացներ և այժմ կարող են հարցեր ուղղել ԱԶԳԿ-ին էլեկտրոնային եղանակով:
